Қарағандылықтарды қазақ және ағылшын тілдерін тегін үйренуге шақырады

Қарағанды тұрғындары қазақ және ағылшын тілдерін тегін оқи алады. Сабақтарды тіл орталығы «Шырақтың» тәжірибелі оқытушылары жүргізеді.

Барлық қалаушыларға арналған тегін тіл курстары – Жастар ресурстық орталығы мен «Шырақ» тіл орталығының бірлескен жобасы. Қазақ және ағылшын тілдерін үйренуге жасы шектеусіз барлық азаматтар шақырылады. Бағдарлама тіл үйренуді жаңа бастағандарға арналады.

– Біз курсқа қатысушыларды жас ерекшелігі бойынша шектемейміз. Мақсатымыз – мемлекеттік тілді де, ағылшын тілін де үйренуге қажетті құралдар беру. Оқытуды қолжетімді әрі сапалы етуге тырысамыз, – дейді Жастар ресурстық орталығының жетекшісі Якуб Джамалов.

Бір топтағы ең көп қатысушы саны – 20 адам. Егер өтініш көп түссе, ұйымдастырушылар бірнеше топ ашу мүмкіндігін қарастырады.

Сабақтар аптасына үш рет: дүйсенбі, сәрсенбі және жұма күндері сағат 18:30-да, Жастар ресурстық орталығы базасында (Тәттімбет көшесі, 709) өтеді.

Демалыс күндері барлық қалаушылар үшін сөйлесу клубтары ұйымдастырылады. Сабақтар 15 қыркүйекте басталады.

Курстарға мына сілтеме арқылы тіркелуге болады:

https://docs.google.com/forms/d/e/.