Қазақстан Президенті 8 қыркүйекте халыққа дәстүрлі Жолдауын арнайды

Қазақстан Республикасының Президенті Қасым-Жомарт Тоқаев 8 қыркүйекте Парламенттің қос палатасының бірлескен отырысында халыққа жыл сайынғы Жолдауын жариялайды.

«Мемлекет басшысы Қасым-Жомарт Тоқаев 8 қыркүйекте Парламент палаталарының бірлескен отырысында Қазақстан халқына дәстүрлі Жолдауын арнайды», – деп хабарлады өзінің Telegram-арнасында ҚР Президентінің кеңесшісі, баспасөз хатшысы Руслан Желдібай.

Айта кетейік, былтыр Президент 2 қыркүйекте халыққа Жолдауын жариялаған еді. Ол елдің әлеуметтік-экономикалық және саяси дамуына арналды.