Қоқыс та өнерге айналады: Қарағанды саябағында піл пайда болды

Қарағандыда ерекше піл бой көтерді. Әрине, тірі емес, бірақ өте сүйкімді: оны 10 мың сусын қақпағынан, ондаған пластик бөлшектерден, қаңылтыр банкалардан және қолшатыр тұтқаларынан құрастырып жасады.

Бұрын бұл қарапайым топиарий мүсін ғана еді, ал қазір ол Орталық саябақта орнатылған нағыз арт-нысанға айналды.

Ерекше мүсіннің авторы – саябақтар басқармасының суретшісі Марина Зварыгина.

— Біздің мақсатымыз — әдетте қоқысқа тасталатын заттардан да әдемі нәрсе жасауға болатынын дәлелдеу. Ең бастысы — әр заттың бойынан қоқысты емес, жаңа мүмкіндікті көре білу, — дейді ол.

Піл мүсіні қоршаған ортаға қамқорлық ең қарапайым қадамдардан басталатынын еске салады.

Қарағанды қаласы әкімдігінің ақпараты бойынша