«Абай әлемі суретшілердің көзімен»: қарағандылықтарды көрме-байқауға шақырады

Қарағандыдағы «Алтын ғасыр» көркемөнер галереясында ұлы ақын мен ойшылдың 180 жылдығына орай «Абай әлемі суретші көзімен» атты жас таланттардың көрме-байқауы дайындалды. Оған Қарағанды, Шахтинск және Теміртаудың 14–34 жас аралығындағы суретшілері қатысады.

– Біз ешқандай жұмысқа іріктеу жүргізген жоқпыз және қатысуға қатаң жағдай жасаған жоқпыз. Біз жас суретшілерге, көркемөнер мектептерінің оқушылары мен студенттерге өз жұмыстарын көрсетуге мүмкіндік бергіміз келеді. Және, әрине, осылайша ұлы Абай Құнанбаевты еске алу, – деді көрмені ұйымдастырушы Ерсін Темірғалиев.

Жеңімпаздар екі санат бойынша таңдалады - кескіндеме және графика. Олардың әрқайсысында үш жүлделі орын қарастырылған. Үздік жұмыстардың авторлары марапатталады.

Көрме-байқау 5 шілде күні сағат 16:00 Комиссаров көшесі, 35а мекен-жайы бойынша «Алтын ғасыр» галереясында ашылады.