Республикалық жарыстарда қарағандылық тазылар төрт жүлделі орынға ие болды

Ақмола облысының Ақжар ауылында «Тазылар лигасы – 2025» республикалық жарысы өтті. Алты жүлделі орындардың төртеуін қарағандылықтар иеленді.

Жарысқа барлығы 220 ит қатысты: 120 еркек және 100 ұрғашы. Қарағанды облысынан 30 итбегі мен олардың үй жануарлары қатысты.

Қатысушы иттер 1000 метр қашықтықты барынша жылдам жүгіріп өтуі тиіс болатын. Еркек және ұрғашы иттер бөлек жарысты. Жүлделі орындар да екі санат бойынша берілді.

Екінші орынды қарағандылық итбегі Азамат Төкешовтың иті иеленді. 

Бұл санатта қарағандылық Нұрдәулет Морзақановтың Майлыаяқ есімді тазысы үшінші орынды иеленді.

Ұрғашылар арасында бірінші болып қарағандылық Қазыбек Әбдірахмановтың иті келді. Үшінші орынды қарағандылық Жан Төлеуовтің тазысы иеленді.

– Біз тамаша нәтиже көрсеттік деп есептеймін. Финалға барлығы 10 ұрғашы мен 12 еркек тазы шықты. Оның ішінде 9 ит қарағандылық итбегілерден. Барлығы алты жүлделі орын болды – әр санатта үшеуден. Олардың төртеуін біз алдық. Жалпы, тазы мен төбет тұқымды иттерді өсіруге деген қызығушылық артып келе жатқаны қуантады. Бұл біздің ұлттық ит тұқымдары, оларды сақтау өте маңызды, – дейді Қарағанды облысының Құмай тазы мен төбет федерациясының төрағасы Нұрдәулет Морзақанов.

Жарыс жеңімпаздары дипломдар мен ақшалай сыйлықтарға ие болды.