Қарағандыдағы хакатонда күдікті мемлекеттік сатып алуларды анықтауға арналған модульдер әзірленді

Қарағандыда ҚР Сыбайлас жемқорлыққа қарсы іс-қимыл агенттігімен бірлесіп ұйымдастырылған үш күндік HackCor Hackathon хакатонының қорытындысы шығарылды. Қатысушыларға қысқа мерзім ішінде күдікті мемлекеттік сатып алуларды немесе еріктілерге арналған мобильді қосымшаны анықтау үшін ЖИ-модуль жобасын жасау міндеті қойылды.

Хакатонға Қазақстанның түрлі қалаларынан келген жас айти мамандар жиналды - 60 команда, 200-ден астам адам. Жүлде қоры миллион теңгені құрады: бірінші орын үшін 300 мың теңгеден, екінші орын үшін - 200 мың теңгеден.

Бірінші бағыт бойынша павлодарлық команда үздік деп танылды. Ақпараттық технологиялар колледжінің екінші курс студенттері Жігер Жапар мен Бараат Кахималаев XGuard жүйесін әзірледі. Ол сыбайлас жемқорлық тәуекелдерін анықтау үшін машиналық оқытудың алдыңғы қатарлы алгоритмдерін пайдаланады.

Екінші орын деректерді математикалық өңдеуді пайдалана отырып, күдікті сатып алуларды анықтауға арналған ЖИ-модуль үшін берілді.

Екінші бағытта Семей мен Шымкент құрамалары жеңіске жетті. Жоғары сынып оқушылары SENIM жаңа буын еріктілер қозғалысының платформасын әзірледі.

Екінші орынды Петропавлдан келген команда иеленді, Ол жемқорлыққа қарсы тұру үшін де, еріктілер үшін де мобильді қосымша жасады. Сонымен қатар, қатысушылар құрылғылардың барлық түрлеріне бейімделген дизайн әзірледі.

-  Қазылар алқасы үздік жобаларды таңдады. Сонымен қатар, көрермендер сыйлығының иегерлері анықталды - бір командаға 50 мың теңгеден. Жүлделі орынға жете алмаған қатысушыларды атап өттік, бірақ олардың жұмыстары жақсы деңгейде, - дейді Террикон алқабының маркетинг бөлімінің басшысы Георгий Сергеев.

Көрермендер сыйлығын Astana IT University командасы және қарағандылық екі мамандандырылған ақпараттық технологиялар мектеп-лицей-интернаты мен Шоқан Уәлиханов атындағы мектеп-лицей иеленді.