Қарағандыдан Астанаға баратын пойыз жайлы вагондармен жаңарды

Қарағанды – Астана бағыты бойынша Comfort+ форматындағы жаңа электр пойызы жүре бастады. Вагондар қазіргі заманғы еуропалық стандарттарға сәйкес келеді және салонның жақсартылған жоспарлануымен және жолаушыларға арналған бірқатар жайлылықтармен ерекшеленеді. Қолжетімділік пен инклюзивтілікке назар аударылды.

Облыстық жолаушылар көлігі және автомобиль жолдары басқармасының мәліметінше, электр пойызы алты вагоннан тұрады және 576 орынға есептелген. 

Қозғалысы шектеулі жолаушыларға ыңғайлы болуы үшін автоматты жылжымалы баспалдақтар қарастырылған.

Вагондардың интерьері заманауи. Әрбір отыратын орын мобильді құрылғыларды зарядтауға арналған USB ажыратқыштармен жабдықталған. Вагондарда сусындар мен жеңіл тағамдар сатып алуға арналған вендингтік автомат орнатылды.

Әрбір вагонда мүгедектігі бар жолаушыларға арналған арнайы кабиналарды қоса алғанда, биодәретханалар болады.

Фото «Жолаушылар тасымалы»