Қарағандыда жас теннисшілер арасындағы алғашқы республикалық турнирдің жеңімпаздары марапатталды

Қарағандыда 11 және одан кіші жастағы спортшылар арасында үстел теннисінен Қазақстан чемпионаты өтті. 

Турнирге еліміздің түкпір-түкпірінен 250-ден астам жас ракетка иелері қатысты. 

Алты күн бойы олар медаль үшін сайысқа түсті. Қарағанды облысы бұл спорт түріндегі көшбасшылығын растады.

Жас теннисшілерді Қарағанды облысының әкімі Ермағанбет Бөлекпаев құттықтап, марапаттады.

– Бұл турнир болашақ чемпиондар үшін бастапқы алаңға, шеберлік, ерекше бәсекелестік және нағыз достық мектебіне айналғанына сенімдімін. Чемпионат елімізде үстел теннисін дәріптеуге және салауатты өмір салтын нығайтуға қуатты серпін берді. Қарағанды облысы бұл оқиғаны мақтанышпен қабылдады. Біздің лайықты спорт мектебіміз де бар: 13 мыңнан астам жерлестеріміз осы спорт түріне әуестенген, олардың төрт мыңға жуығы ауылдық жерлерде. Ерекше мақтанышымыз - біздің чемпиондарымыз. Әлем біріншіліктерінің тұғырын бағындырған Алан Құрманғалиев осындай жарыстардан бастап қандай биіктерге жетуге болатындығының шынайы дәлелі болып табылады. Менің ойымша, бүгінгі қатысушылар арасында оның жетістіктерін қайталап, одан да асып түсетіндер бар, – деді өңір басшысы.

Жарысқа 19 ерлер командасы мен 16 қыздар қатысты. Қарағанды облысы чемпионаттың қожайыны ретінде екі команда шығарды. Спортшылар командалық, жеке, жұптық және аралас разрядтарда ойнады.

Қарағандылық қыздар тамаша өнер көрсетті. Қазақстан чемпионы Злата Стадник, Жансая Тілегенова, Әдия Қосубаева, Жасмин Балтабай және Милана Колячкина атанды. Нәтижесінде Қарағанды облысының құрамасы бірінші орын алды. Екінші орында – Шымкент, үшінші орынды Қызылорда және Ақтөбе облыстары бөлісті.

Жұптық разрядта Злата Стадник пен Жансая Тілегенова күміс жүлдеге ие болды. 

Бұдан басқа, Злата аралас дуэтте екінші болды.

Қарағанды облысының ұл балалар құрамасы командалық есепте қола жүлдеге ие болды.

Оған бес спортшы кірді: Әділет Бадыров, Қасым Айбеқ, Әмір Сәрсенбай, Жігер Сайран, Осман Махметсұлтан. 

Бірінші орында – Шымкент, екінші орында – Түркістан облысы.