«AUDIODIKTANT JAZAIYQ» АКЦИЯСЫ ЖАЛҒАСУДА

Бүгін Қарағанды облысы кәсіпкерлік басқармасының мамандары «Audiodiktant jazaiyq» акциясына қатысты. 146 сөзден тұратын мәтінді жаңа графикада жазып шықты. Диктант «whatsАpp» әлеуметтік желісі арқылы сағат 12.00-де басталып, 13:00-де аяқталды.

Қатысушыларға көмекші құрал ретінде жаңа әліпби нұсқасы алдын-ала жіберілді. Диктант соңында барлық қатысушыға жазған мәтіндерін тексеру үшін мәтін нұсқасы берілді. Әркім өз жұмысын тексеріп, қателерін түзеді.

Диктант қорытындысы бойынша Ñ, Ğ, İ сияқты әріптердің диакритикалық таңбасы дұрыс таңбаланбаған жұмыстар кездесті.