ҚАРАҒАНДЫ ОБЛЫСЫНЫҢ ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРЫ БАСҚАРМАСЫ МАМАНДАРЫНА НАСИХАТ ЖҰМЫСЫ ҰЙЫМДАСТЫРЫЛДЫ

«Жаңа әліпбидің жаңалығы» тақырыбында Қарағанды облысының Жолаушылар көлігі және автомобиль жолдары басқармасы мамандарына кезекті насихат жұмысы ұйымдастырылды.

Шара барысында жетілдірілген әліпби жобасының ерекшеліктері түсіндірілді. Ондағы диакритикалық таңбалардың атқаратын қызметтері мен қандай мағына беретіні кеңінен айтылды.

Сондай-ақ әріптердің жазуға қолайлығы мен көзшалымға бірден қабылданатыны «Бүгінгі ой», «Оймақтай ой» жобалары арқылы практикалық тұрғыда нақтыланды.

Қатысушылар тарапынан төл әліпбиіміздің бекуін күтіп жүргендері байқалды.