Сыбайлас жемқорлыққа қарсы мәдениетті қалыптастыру – басты назарда.

«Балқаш қаласының тілдер орталығы» КММ-де орталық мамандарының қатысуымен сыбайлас жемқорлықтың алдын алу және осы бағытта құқықтық сауаттылықты арттыру мәселелеріне арналған кездесу өтті.

Аталған іс-шара Қарағанды облысының тілдерді дамыту жөніндегі басқармасының әлеуметтік тапсырысы аясында ұйымдастырылды. Айта кетейік, осы мазмұндағы кездесу-семинарларда өңірімізде тіл саясатын дамытуға жауапты қызметкерлер арасында сыбайлас жемқорлыққа қарсы мәдениетті қалыптастыру, адалдық қағидаттарын нығайту және мемлекеттік қызметтің ашықтығын арттыру бағытындағы өзекті мәселелер талқылануда.

Шара спикері – ҚР Мемлекеттік қызмет істері агенттігінің Қарағанды облысы бойынша департаменті жанындағы ақпараттық-түсіндіру пулының спикері Жомарт Сүлейменұлы Әбішев. Ол өз сөзінде сыбайлас жемқорлыққа қарсы іс-қимыл шараларының маңыздылығын атап өтіп, адал қызмет құндылықтарын ұстану және мемлекеттік қызмет әдебін сақтау қажеттігіне тоқталды.Мұндай кездесулер мемлекеттік қызметшілердің жауапкершілігін арттырып, қоғамда әділдік пен сенім қағидаттарын нығайтуға ықпал етеді.