2026 жылғы тіл оқыту курстарын ұйымдастыру мәселесі талқыланды

Бүгін Қарағанды облысының тілдерді дамыту жөніндегі басқармасында 2026 жылы өткізілетін тіл оқыту курстарын ұйымдастыру және жетілдіру мәселелеріне арналған жұмыс кеңесі онлайн форматта өтті.

Жиын барысында келесі негізгі бағыттар қаралды:

өңірде тіл оқыту курстарын біріздендіру мақсатында 72 сағаттық бағдарламаға көшіру және осы үдерісте сөйлесу клубтарының жұмысын күшейту;

тілдік клубтардың қызметін дамыту мен жандандыру тетіктері;

оқыту курстарынан өткен тыңдаушыларға арналған тілдік лагерь ұйымдастыру;

«Сарыарқа-2», «Сарыарқа-3» және Тіл саясаты комитетінің бағдарламаларын негізге ала отырып, оқыту мазмұнын жаңарту;

бірыңғай бағдарлама негізінде әдіскерлер мен оқытушыларға таныстырылым өткізу;

тыңдаушыларды тарту бағытында ақпараттық-түсіндіру жұмыстарын күшейту;

курс нәтижелері бойынша өнім берушілерден есеп алу тәртібі.

Сонымен қатар, облыстағы тіл оқыту орталықтарының әдіс-тәсілдері таныстырылып, озық тәжірибелер ортаға салынды. Кеңес соңында 2026 жылға арналған тіл оқыту жүйесін жетілдіру бойынша нақты тапсырмалар мен ұсыныстар айқындалды.

#қарағандытілдердідамытубасқармасы #тілоқытукурсы #til_qaragandy