Домбыра күні 100 ден астам музыканттар теміртаулықтар үшін ұлттық аспаптарда ойнады.

7 маусымда қалалық мәдениет және демалыс саябағында Теміртау тұрғындары Домбыра күнін атап өтті. Ұлттық музыкалық аспапқа арналған мереке елімізде 2018 жылдан бері тойланып келеді.

 

Домбыра-ғасырлар бойы қазақтарға өз ой мен сырын, толқуын білдіруге көмектескен, халықтың жан дүниесін ашқан дәстүрлі музыкалық аспап.

 

Тұрғындарға мерекелік көңіл  күй  сыйлау үшін 150-ге жуық әртіс сахнада танымал күйлер мен ұлттық әндерді орындады. Фестивальге Теміртау мәдениет Сарайының, қаланың музыкалық мектептері мен студияларының ұжымдары қатысты: "Жауыртау сазы" фольклорлық ансамблі, "Гюзель" үлгілі би ансамблі, "Дарын" вокалдық ансамблі, "Қарлығаш" домбырашылар ансамблі, "Магнитка" ардагерлер ансамблі, "Қарақат" музыкалық студиясының оқушылары, металлургтер қаласының басқа да талантты музыканттары мен бишілері.

 

Әртістер ұсынған барлық нөмірлер-әндер, өлеңдер, билер ұлттық аспапқа, Қазақстанның құндылықтары мен мәдени мұрасын дәріптеуге арналды.

 

Көңіл  көтеретін  шараларынан басқа, мереке дәріптеу  миссиясын да атқарады. Қаланың түрлі мекемелерінде ұлттық аспапқа арналған сабақтар мен кездесулер өткізілді.

 

Сонымен  қатар, "ОҢАЙ ТІЛ"  кабинеттерінде қазақ тілінде сөйлеуді үйреніп  жүргендерге   педагогтар ұлттық аспап туралы сабақ өткізді. Мереке қонақтарына домбыраның қандай элементтерден тұратындығы айтылды, ал шақырылған музыканттар музыкалық аспапта бірнеше күй орындады. Домбыра туралы аңыздарға арналған сабақтың тарихи бөлігі де мереке қонақтарына үлкен әсер қалдырды. Кездесуді еске алу үшін барлығына ұлттық аспап  түріндегі кәдесыйлар табысталды.

 

Көптеген ұйымдар мерекеге орай бейне құттықтаулар жазып, оларды әлеуметтік желілерде орналастырады, осылайша жас ұрпақтың назарын аударады және патриотизм сезімін тәрбиелейді.