Қарағанды облысының аумағында коронавирустық инфекция аурушаңдығы өсімінің жалғасуына байланысты "Ashyq" пилоттық жобасы іске асырылып жатқан объектілерін қоспағанда, қызметі жаңартылмаған объектілерге (караоке, түнгі клубтар, букмекерлік кеңселер, компьютерлік клубтар, боулинг-орталықтар) баруға тыйым салу талабы қалып отыр, сонымен қатар олардың жұмыс режиміне сәйкес жабылғаннан кейін объектілерде болуға да тыйым салынған.
Қарағанды облысының "Ashyq" жобасына қатысатын әлеуметтік-экономикалық объектілері облыстың "қызыл аймақта" болуына қарамастан, "сары аймақта" қойылатын талаптарға сәйкес жұмыс істейді.
Бұдан басқа, қолданыстағы Қаулының талаптарына сәйкес бұқаралық, ойын-сауық, отбасылық және естелік іс-шараларын (оның ішінде "ауыз ашар", Пасхаға арналған мерекелік іс-шаралар, еске алу және т.б.) өткізуге тыйым салынған, енді халықтың осындай іс-шараларға баруына да тыйым салынды.
Сондай-ақ балалар арасында КВИ сырқаттанушылықтың тіркелуінің өсуіне байланысты Қарағанды, Теміртау, Саран, Шахтинск, Балқаш, Приозерск, Жезқазған, Сәтбаев қалаларында және Абай, Нұра, Осакаров аудандарында жалпы білім беретін мектепалды сыныптарының, 1-5 сынып оқушылары, халықаралық мектептерде 1-7 сыныптарын қоса алғанда коронавирустық инфекцияның одан әрі таралуына жол бермеу мақсатында қашықтықтан оқыту форматына көшіріледі.
Бұл ретте, оқушыларды сабақтан тыс уақытта жеке оқыту кезінде топтардағы балалар саны 15 - тен 10 адамға дейін төмендеді, ал көрсетілген қалалар мен аудандарда топтардағы балалар саны міндетті түрде әлеуметтік қашықтықты, шахмат ретімен отырғызу және бетперде режимін сақтай отырып, 5 адамнан аспауы тиіс. Облыстың басқа өңірлерінде оқыту бұрынғы форматта жалғасатын болады.
Қаулы қол қойылған кезінен бастап күшіне енеді.