Теміртауда кәсіпкерлердің даму институттары және екінші деңгейлі банктер өкілдерімен кездесуі өтеді

«Теміртау қаласының кәсіпкерлері мен ауыл шаруашылығы бөлімі» ММ 12 қараша күні сағат 15:00-де өтетін кәсіпкерлер кездесуіне шақырады. Іс-шара Теміртау қаласы, Чайковский көшесі, 2/1 мекенжайындағы «Jastar ortalygy» ғимаратында ұйымдастырылады.

Кездесуге «Даму» кәсіпкерлікті дамыту қоры» АҚ, «Аграрлық несие корпорациясы» АҚ және өзге де даму институттарының, сондай-ақ екінші деңгейлі банктердің өкілдері қатысады.

Кездесудің негізгі мақсаты – кәсіпкерлікті мемлекеттік қолдау шараларын түсіндіру, қаржыландырудың қолданыстағы тетіктерімен таныстыру және бизнестің қаржы институттарымен өзара іс-қимыл мәселелерін талқылау.

Іс-шара барысында кәсіпкерлер сарапшылардан жеке кеңес алып, өздерін қызықтырған сұрақтарға жауап алу мүмкіндігіне ие болады.

Құрметті кәсіпкерлер! Кездесуге белсенді қатысуға шақырамыз. Сіздерді күтеміз!