БАСПАСӨЗ ХАТЫ «ЭКО-ҚАҺАРМАН» БАЙҚАУЫ БАСТАЛДЫ!

«Қарағанды облысының табиғи ресурстар және табиғат пайдалануды реттеу басқармасы» ММ экологиялық мәдениетті дамытудың 2024–2029 жылдарға арналған «Таза Қазақстан» тұжырымдамасы аясында мектеп оқушылары арасында «Эко-қаһарман» байқауын жариялайды.

Байқаудың басты мақсаты – өскелең ұрпақтың экологиялық ойлау қабілетін дамыту, табиғатты қорғауға және қалдықтарды сұрыптауға жауапкершілікпен қарауға тәрбиелеу.

Байқау бағыттары:

• «Макулатураны жина — ағашты сақта!»
• «Пластикті қайта өңдеу — планетаға ауа қажет!»

6–15 жас аралығындағы (1–7 сынып) оқушылар қатыса алады. Байқау Қарағанды, Теміртау, Саран, Шахтинск және Абай қалаларының мектептері арасында өткізіледі.

Өтінім қабылдау мерзімі: 2025 жылдың 17 қазанына дейін
Қалдықтарды жинау: 2025 жылдың 4 қарашасына дейін
Қорытынды: 2025 жылдың 12 қарашасына дейін
Марапаттау: қараша айында өткізіледі.

Байқау серіктестері:

• «Қарағанды облысының білім басқармасы» ММ
• «ВторСырье Қарағанды» ЖШС
• «Қарағанды облысының Жұмысшы жастар одағы» ҚБ

 Номинациялар:

• Макулатура жинау бойынша көшбасшы
• Пластикалық бөтелке жинау бойынша көшбасшы
• Instagram-дағы ең белсенді команда

Қатысушылар жиналған қалдықтардың фотосуреттерін, өлшеу дәлелдемелерін және әлеуметтік желілердегі белсенділіктерін ұсынады. Ең белсенді, ең шығармашыл және ең экологиялық жауапты мектептер дипломдар мен бағалы сыйлықтарға ие болады.

Байқау @prirodnye.resursy.krg "Қарағанды облысының табиғи ресурстар және табиғат пайдалануды реттеу басқармасы" ММ-нің "Бөлу, тапсыру, қайта өңдеу" жобасының аясында өткізілуде.

Өтінімдер: nuks.krg@mail.ru
Байланыс телефоны: 8 707 659 96 59 (Омарханов Нұркелді)