25 әуесқой жүгіруші мен 15 велосипедші Қарағандыдан шығып, соғыс қаһарманы Нүркен Әбдіровтің Отанына (Қарқаралы ауданының Жарлы ауылы) дейін жүгіреді

Ұлы Жеңістің 80 жылдығына және аты аңызға айналған ұшқыштың ерлігіне арналған іс-шара 30 сәуірде өтті. 250 шақырым қашықтықты «Qarmet» АҚ ардагерлері мен кеншілер, жүгіру және вело клубтарының өкілдері, ЖОО студенттері мен мектеп оқытушылары, сарбаздар мен жаттықтырушылар еңсермекші. Жалпы, қатысушылар дені спорт әуесқойлары әрі осылайша өздерінің патриоттық сезімдерін білдіруге және батыр жерлесімізді құрметтеуге тілек білдірген әр түрлі мамандық иелері.

Жарыстың басталуы сағат 9.30-да Нүркен Әбдіров ескерткішінде өтеді. Содан кейін Дене шынықтыру және спорт басқармасының басшысы Серік Сәпиев бастаған жарысқа қатысушылар ұшқыштың есімімен аталатын көшемен жүгірді.

Велосипедшілер Ботақара кентіне дейін жетіп, онда орталық алаңдағы ескерткішке гүл шоқтарын қою рәсімі болады. Ал жүгірушілер Қарқаралыға дейін жүгіруді жалғастырады. Онда да «Азалы Ана» мемориалында шағын салтанатты іс-шара өтеді. Содан кейін барлығы соңғы баратын жеріне - Жарлы ауылына бет алады. Жүгірушілердің әрқайсысы 10 шақырым қашықтықты еңсермекші және олардың бәрі Нүркен Әбдіровтың отанында кездеседі. Сыйлық ретінде қатысушылар «Qarmet» АҚ-дан естелік медальдар мен футболкалар алады.