Қаңтар айында Қарағанды қаласында үстел теннисінен екі бірдей ірі турнир өтеді. 7-10 қаңтар күндері «Saryarka» үстел теннисі Орталығында Қазақстан ұлттық құрамасына іріктеу бәсекесі ұйымдастырылады. Ал 11-17 қаңтар аралығында Қазақстан Республикасының жекелей және командалық чемпионаты өтетін болады.
Ғаламдық індет COVID-19-ға байланысты бірнеше айдан бері жарысқа шықпаған спортшылар кеншілер ордасында бас қоспақ.
Облысымыздың намысын қорғау үшін құрама команданың үздік спортшылары өнер көрсететін болады: Жас спортшы Алан Құрманғалиев, талантты, әрі болашағы зор Владислав Захаров, Эрик Райтер, Қазақстан чемпионаты мен халықаралық турнирлердің жеңімпазы Зәуреш Ақашева. Республикалық біріншіліктің командалық және аралас сынында Нұр-Сұлтан, Алматы, Шымкент пен өзге де облыс орталықтарының теннисшілері бақ сынайтын болады.
Ел намысын жоғары қоятын спортшыларымызға сәттілік тілейміз!