Қоржынға тағы бір алтын түсті!

Бүгін Ақтау қаласында дзюдодан Қазақстан чемпионатында 100 келіге дейінгі санаттағы ерлер арасында медальдар ойнатылған болатын. Бұл байқауда Қарағанды ​​қаласының тұрғыны Ислам Бозбаев үздік атанды. Финалда ол Қызылорда облысының өкілі Айбек Серікбаевты жеңіп, жеңімпаз атанды.

Еске сала кетсек, осы чемпионатта Қарағанды ​​облысының ұлттық құрамасының қоржынына ең бірінші алтын медальді әкелген 73 келіге дейінгі санаттағы Жансай Смағұлов болатын.