Жаңа жұлдыз!

Батутисттер бізді тағы да қуантты. Жақында біз қарағандылық дуэт Данил Мусабаев пен Никита Тумаковтың 2025 жылы Әлем кубогы кезеңдерінің қорытындысы бойынша синхронды секіруден әлемдік рейтингте бірінші орын алғаны туралы хабарлағанбыз. Үшінші орынды да  - қазақстандықтар Ерлан Тасмағамбетов (Қарағанды) және Роман Барков (Өскемен) алған болатын. Енді, міне,  тағы да біздің жерлестеріміз халықаралық жарыста  жаңа жетістікке жетіп жатыр. 

Қарағанды гимнастика мектебінің тәрбиеленушісі 12 жасар Александра Лямкина 13-16 қарашада жас топтары арасында Испанияның Памплона қаласында өткен әлем біріншілігінде дебют жасады. Жас батутист София Долгополовамен  (Павлодар) дуэтте қола медаль жеңіп алды. Өсіп келе жатқан жұлдызды Рузана және Кирилл Кокоревтер жаттықтырады. Құттықтаймыз!

Осы 11-12 жас аралығындағы әлем чемпионатына акробатикалық кілемде секіруден  Мирон Мацымоха да қатысты, ол халықаралық турнирдің финалына шығып, бар күшін салып, алтыншы орынға ие болды және бұл да үлкен жетістік! Қарағанды гимнастика мектебін және  ҚР және Қарағанды облысының батут гимнастикасынан бас бапкер Сергей Владимирович Вертянкинді жеңістерімен құттықтаймыз!