Жұмыспен қамтуға жәрдемдесу шаралары туралы

Қарағанды облысында 48 мың адам жұмысқа орналасуға дайын.

Өңірдегі жұмыспен қамтуға жәрдемдесу шаралары туралы ақпараттық-талдама «SARYARQA» телеарнасында Yaqit.kz бағдарламасында айтылды. Оған жұмыспен қамтуды үйлестіру және әлеуметтік бағдарламалар басқармасының басшысы Мұхтар Төлеу Қайратұлы қатысты.

Ведомство басшысының айтуынша, жұмыссыз халықты жұмысқа орналастыру үшін түрлі ұлттық жобалар бойынша жұмыстар жүргізілуде. Қолдау жынысына, жасына және кәсіби дағдыларына қарамастан халықтың барлық топтары үшін қарастырылған.

Бекітілген өңірлік жұмыспен қамту картасына сәйкес 2025 жылға 48 мыңға жуық адамды жұмысқа орналастыруды жоспарлап отырғанымыздан басқа, тағы 3 395 ниет білдірушіні, оның ішінде «Jumys Tap» жобасы аясында оқыту жоспарланған.

Кәсіпкерлік бастамаға жәрдемдесу шеңберінде «Бастау – бизнес» жобасы бойынша оқыған халықтың әлеуметтік осал топтарына бизнес-идеяларды іске асыру үшін 400 АЕК-ке дейінгі сомаға (1 572 800 тг.) 225 өтеусіз грант беріледі.

Жұмыс берушілер мен жұмыссыздарды қолдау үшін мына бағыттар бойынша жұмыс орындарын субсидиялау көзделген: Жастар практикасы, әлеуметтік жұмыс орндары, қоғамдық жұмыстар. Сондай-ақ, мемлекет «Бірінші жұмыс орны», «Ұрпақтар келісімшарты», «Күміс жас» және «Алтын жас» жобаларын қолдайды. Бұл шараларды облыстың қалалары мен аудандарында Мансап орталықтары жүзеге асырады.

 

Халықты Бос жұмыс орындары мен қолдау шаралары туралы хабардар ету үшін бос жұмыс орындары жәрмеңкелері мен Ашық есік күндері үнемі өткізіліп тұрады. Жоғары оқу орындары мен колледж түлектерін жұмысшы мамандықтарымен таныстыратын кәсіпорындарға экскурсиялар ұйымдастырылады.

Жас мамандарға көмек ретінде ҚР Еңбек және халықты әлеуметтік қорғау министрлігі әзірлеген «Мансап компасы» жобасы іске асырылады.

Жазғы демалыс кезінде жалпы білім беретін мектептердің барлық студенттері мен жоғары сынып оқушыларына жұмысқа орналасу мүмкіндігі беріледі. Жалақы мөлшері 40 АЕК-тен төмен емес (157 280 тг.).

Жалпы, жүргізіліп жатқан жұмыс 2024 жылы жұмыссыздық деңгейін 4,1% деңгейінде сақтауға мүмкіндік берді, бұл республикалық көрсеткіштен(4,7%) төмен.