ҚР Премьер-министрі Олжас Бектенов еңбек ардагерлері мен әлеуметтік сала қызметкерлеріне мемлекеттік наградалар табыс етті

Астанада республика күні қарсаңында «Әлеуметтік қорғау жүйесінің үздік қызметкері және үздік әлеуметтік жоба» республикалық байқауының жеңімпаздары марапатталды.
Еңбек және халықты әлеуметтік қорғау министрлігінің мәліметінше, салтанатты марапаттау рәсімі «Әлеуметтік вектор: Кәсібилік, Тану, Цифрлық болашақ» халықаралық форумы аясында өтті.
Форум барысында ҚР Премьер-министрі Олжас Бектенов еліміздің әлеуметтік саласын дамытуға елеулі үлес қосқан еңбек ардагерлері мен қызметкерлеріне мемлекеттік наградалар табыс етті. Барлығы - 15 адам.
Марапатталғандардың арасында - қарағандылық Зәуреш Айтжанова, Қарағандының № 3 арнаулы әлеуметтік қызмет көрсету орталығының шаруа бикесі. Ол «Шапағат» медалімен марапатталды.
Бұл марапат көпжылдық жанқиярлық жұмысты, әлеуметтік қызмет алушыларға мұқият қарауды және өңір халқын әлеуметтік қорғауды дамытуға қосқан жеке үлесін мойындау болып табылады.
Әлеуметтік қорғау жүйесі қызметкерлерінің күніне орайластырылған марапаттау рәсімі мемлекет пен қоғамның азаматтардың өмір сүру сапасын арттыруға, әділ және инклюзивті Қазақстанды құруға мамандардың баға жетпес үлесін мойындауының жарқын айғағы болды.