Ағымдағы жылдың 17 маусымында аудан әкімінің орынбасары Д. Карсембаевтың төрағалығымен Үкіметтік емес ұйымдар (ҮЕҰ) кеңесінің отырысы өткізілді

Отырыс барысында отбасы институтын нығайту, балалар мен жастарды қолдауға бағытталған ҮЕҰ жобаларын талқылау мәселесі күн тәртібіне енгізіліп, жан-жақты қаралды.

Күн тәртібіндегі мәселе бойынша отырысқа қатысушылар өз ұсыныстары мен пікірлерін білдіріп, отбасы құндылықтарын нығайту, балалардың құқықтары мен мүдделерін қорғау, сондай-ақ жастарды қолдау бағытындағы бірқатар бастамаларды талқылады.

Жиын қорытындысы бойынша ұсыныстар назарға алынып, ҮЕҰ-мен бірлескен жұмысты одан әрі жетілдіру және әлеуметтік маңызы бар жобаларды қолдау бойынша алдағы кезеңге арналған жұмыс бағыттары айқындалды.