АУДАН ӘКІМІ КӘСІПКЕРЛЕРМЕН ЖӘНЕ СПОРТ ЖАНАШЫРЛАРЫМЕН КЕЗДЕСТІ

Аудан әкімі М.Мұхтаров төрағалығымен аудандағы ұлттық спортты, соның ішінде көкпар спортын жаңа деңгейге көтеру мәселесін талқылады. Жиынға елжанды азаматтар мен кәсіпкерлер, спорт жанашырлары қатысты.
Шет ауданының көкпар командасы — соңғы 5 жылда облыстық жарыстарда топ жарып, «Ақбидай» республикалық спартакиадасында аудан намысын абыроймен қорғап келеді.
Қазіргі таңда ауданымызда 100-ден астам спортшы мен 60 жасөспірім осы спортқа машықтануда. Жиын барысында командаға қажетті сәйгүліктерді сатып алу және материалдық-техникалық базаны нығайту үшін кәсіпкерлердің қолдауы қажеттігі айтылды.
Жиын соңында аудан әкімі аудан кәсіпкерлеріне әлеуметтік жауапкершілік аясында ұлттық спортқа қолдау көрсету мәселесі сөз болды.