ШЕТ АУДАНЫНЫҢ СУ ТАСҚЫНЫНА ДАЙЫНДЫҚ ЖҰМЫСТАРЫ

Аудан әкімі М.Мұхтаров су тасқыны қаупі бар елді мекендерді аралап, атқарылып жатқан жұмыстармен танысты. Ауа райының жылынуына байланысты алдын алу шаралары күшейтілді.

Қазіргі таңда:

✅ Өткен жылы зардап шеккен 11 елді мекенде қорғаныс дамбалары толық қалпына келтірілді. Ақадыр, Шопа, Дәрия ауылдарында су өткізу жүйелері жаңартылды.
✅ Елді мекендерден 32 мың текше метрден астам қар шығарылып, 33 шақырым арық пен 770-тен астам құбыр тазартылды.
✅ 400-ден астам маман мен 300-ге жуық арнайы техника сақадай сай. 3 430 тонна инертті материал мен 32 800-дей қап қоры әзірленді.

📍 Аудандағы қауіпті деп саналатын 32 елді мекеннің барлығы тұрақты бақылауда. Соның ішінде 8 ауылда қауіп деңгейі едәуір төмендеді.