Қазақстанда мемлекеттік қолдау шараларының арқасында су үнемдеу технологияларын енгізу қарқыны бес есе жеделдеді

Су ресурстары және ирригация министрлігі әзірлеген мемлекеттік қолдау шаралары су үнемдеу технологиялары қолданылатын алқаптардың жыл сайынғы өсімін 150 мың гектарға дейін жеткізуге мүмкіндік берді. Бұл Мемлекет басшысының тапсырмаларына сәйкес келеді. 2024 жылға дейін Қазақстанда заманауи суару жүйелерін енгізу қарқыны жылына орта есеппен 30 мың гектарды құраған.