Жылу беру маусымына дайындық аясында «Ақсу-Аюлы ауылдық округі әкімі аппараты» ММ қызметкерлері Шет ауданының тұрғын үй-коммуналдық шаруашылығы, жолаушылар көлігі және автомобиль жолдары бөлімінің мамандарымен бірлесіп, мекемелердегі жылыту қазандықтарының жай-күйін бағалау бойынша тексеру жұмыстарын жүргізді.

Тексеру барысында қазандық жабдықтарының техникалық жағдайы, нысандардың алдағы жылу беру маусымына дайындығы, сондай-ақ өрт және техникалық қауіпсіздік талаптарының сақталуы зерделенді. Ерекше назар күзгі-қысқы кезеңде жылумен жабдықтау жүйелерінің үздіксіз әрі қауіпсіз жұмысын қамтамасыз етуге аударылды.