Қарағанды облысында республикалық маңызы бар автомобиль жолдарында жол-құрылыс маусымы ресми түрде басталды

Қарағанды облысында республикалық маңызы бар автожолдарда 2026 жылғы жол-құрылыс маусымы ресми түрде басталып, өңірдің 1 930 шақырымды құрайтын жол инфрақұрылымын кезең-кезеңімен жаңарту жұмыстары жалғасып келеді. 2025 жылы «Қарағанды – Балқаш» және «Балқаш – Бурылбайтал» бағыттары толық реконструкцияланып, жалпы ұзындығы 276 шақырым болатын учаскелерде орташа жөндеу жұмыстары орындалды. Биылғы жылы «Ақшатау – Ағадыр – Ортау» автожолында күрделі жөндеуге қатысты дайындық кезеңі жүргізілуде, сонымен бірге көпірлер мен жол өткелдерін жаңғырту, 282 шақырым жолды орташа жөндеу және бірқатар учаскелерде ағымдағы жөндеу жұмыстарын жүзеге асыру жоспарланып отыр. Бұл бағыттағы жұмыстар жол сапасын арттыруға және көлік қатынасының тұрақтылығын қамтамасыз етуге мүмкіндік беретін өндірістік инфрақұрылымды жаңғырту және заманауи технологияларды енгізу арқылы қатар жүргізілуде.