Жер қойнауын пайдаланушылар 2025 жылы ҒЗТКЖ - ға 8,9 млрд теңге бөлді

Қатысушылар жер қойнауын пайдаланушылардың ҒЗТКЖ шығындарының 1% бөлу жөніндегі міндеттемелерін орындауға ерекше назар аударды. Бүгінгі таңда Қазақстанда жер қойнауын пайдалануға арналған 320 келісімшарт қолданылады, оның 291-і ҒЗТКЖ қаржыландыру бойынша міндеттемелерді көздейді.

Міндеттемелері бар келісімшарттардың ішінен 44-і келісімшарттық қызмет бойынша жылдық жиынтық табыстан ҒЗТКЖ-ны қаржыландыруды көздейді, ал 247-сі үлгілік келісімшарт бойынша жасалған және өткен жылдың қорытындылары бойынша өндіруге жұмсалған нақты шығындардың 1% мөлшерінде аударымдарды көздейді. Ұсынылған мәліметтерге сәйкес, 2025 жылдың қорытындысы бойынша ҒЗТКЖ-ға 8,9 млрд теңге бағытталды. Қаржыландыру көлемі бойынша көшбасшылар қатарында "Қаражанбасмұнай", "Қожан" және "СНПС-Ақтөбемұнайгаз"компаниялары атап өтілді.

Бұдан былай ҒЗТКЖ қаржыландыру мемлекеттік бюджеттің арнайы түсімдері санатына жатқызылды. 2026 жылғы ақпанда күшіне енген жаңа ережелер осы аударымдарды толық орталықтандыруды көздейді. Бұдан былай қаржыландырылатын жобалар Энергетика министрлігінің ғылыми-техникалық кеңесі бекітетін басым бағыттарға қатаң сәйкес келуі тиіс, ал оларды іске асыру бағдарламалық-нысаналы қаржыландыру негізінде ғылым комитетінің рәсімдері арқылы жүзеге асырылатын болады.

Сондай-ақ, кездесу барысында тараптар мұнай-газ саласындағы деректердің ашықтығын қамтамасыз етуге және 2026 жылғы өзекті цифрлық күн тәртібі шеңберінде ресурстарды басқарудың тиімділігін арттыруға тиіс цифрлық егіздерді құрудағы ағымдағы прогресті талқылады.