Қазақстанда 2026-2029 жылдарға арналған курорттарды дамытудың Жол картасы бекітілді

Алматы облысын, Жетісу мен Абайды қоса алғанда, курорттық аймақтарға инспекциялық сапарлар барысында жағажай аумақтарының ағымдағы жай-күйіне бағалау жүргізілді. Нәтижелер көрсеткендей, бірқатар аймақтарда абаттандыру шаралары жүргізілуде, ал кейбір жерлерде курорттарды заманауи стандарттарға келтіру үшін қосымша қолдау қажет.

Жол картасына 114 іс-шара кіреді. Іске асыруды жергілікті атқарушы органдар мен орталық мемлекеттік органдар бірлесіп жүзеге асырады.

Жол картасы аясында курорттық аймақтардың көліктік қолжетімділігін арттыру бойынша шаралар қабылдануда. Жазғы кезеңде туристік бағыттар бойынша теміржол маршруттарының саны артады, қосымша пойыздар тағайындалады және вагондар саны артады, сондай-ақ туристік өңірлерге субсидияланатын маршруттарды қоса алғанда, ішкі авиарейстердің географиясы кеңейтіледі. Бұл туристердің ұтқырлығын және халық үшін курорттық аймақтардың қолжетімділігін арттыруға мүмкіндік береді.

Жол картасын іске асыру курорттық аймақтарды жүйелі дамытуды, туристік инфрақұрылымның сапасын арттыруды және Қазақстанда ішкі және кіру туризмін одан әрі дамыту үшін қолайлы жағдайлар жасауды қамтамасыз етуге мүмкіндік береді.