«Жасыл Ел»

Қазақстан Республикасының Тұңғыш Президенті Н.Ә. Назарбаевтың бастамасы бойынша 2005 жылдан бастап Қарағанды облысында «Жасыл Ел» жастар еңбек жасақтарының жобасы жүзеге асырылуда.

«Жасыл Ел» жастар еңбек жасақтарының басты мақсаты - жазғы демалыс уақытында жастарды жұмыспен қамту, жастарға экологиялық тәрбие беру, қазақстандық патриотизмді дамыту және жастардың азаматтық белсенділігін арттыру болып табылады.

Жауынгерлер көгалдандыру, елді мекендерді абаттандыру жұмыстарын жүргізді, түрлі тақырыптық іс-шараларға қатысты, экологиялық акциялар өткізді.

Ағымдағы жылы Шахтинск қаласында «Жасыл Ел» жастар еңбек жасағына 90 адам қатысты.

2021 жылғы 7 қазанда «Достар Әлем» қонақүй кешенінде Қарағанды облысының «Жасыл Ел» жастар еңбек жасақтарының 17-ші жұмыс маусымының қорытындысын шығарумен салтанатты жабылу рәсімі өткізілді.

Жабылу салтанаты аясында бұл жобаның өңірлердегі үздік орындаушылары марапатталды. Шахтинск қаласының штабы «Үздік штаб» номинациясымен марапатталды.