Қымбатты ұстаздар, ата - аналар, қадірменді қонақтар, оқушылар!

Сіздерді бүгінгі жарқын да қуанышты, айтулы мереке – Білім күнімен құттықтаймын! Сыңғырлаған әсем қоңыраудың үнімен басталатын күздің алғашқы күнінде жаңа оқу жылы басталады. Бұл ұстаздар мен оқушылар, ата – аналар үшін ерекше тебіреніске тола күн.

Дәл осы күннен бастап, әр адам өмірінің жеке тұлға және азамат ретінде қалыптасу кезеңі басталады. Сондықтан бүгінгі жастар - білім жинауға қашанда асығып, тәуелсіз еліміздің игілігі жолында білімдерін ел кәдесіне жаратып, болашақта озық ойлы, өрісі кең, өрелі азаматтары болуы қажет.

Құрметті ұстаздар қауымы!

Осы жастарды қажымай, талмай тәрбиелеп, еңбектің өлшеусіз үлесін көрсетіп, болашақтың бағдаршамы болған Сіздерді бүгінгі Білім күнімен және жаңа оқу жылының басталуымен шын жүректен құттықтаймын. Сіздерге бүгінгі ерекше, жайма шуақ күні жақсы көңіл күй, мықты денсаулық, үлкен жетістіктер мен ашылуларға ұдайы ізденіс, шығармашылық және жаңа бастамаларда тек қана сәттілік тілеймін!

Шахтинск қаласының әкімі Қыдырғанбеков М.