Құрметті Шахтинск тұрғындары мен қала қонақтары!

Сіздерді Қазақстан Республикасы Конституциясының 30-жылдығымен, Кеншілер күнімен және Шахтинск қаласы күнімен  шын жүректен құттықтаймын!

Конституцияның арқасында біз ата-бабалардың ғасырлар бойғы үміттерін, олардың бостандық пен тәуелсіздікке деген ұмтылысын бейнелейтін заманауи мемлекет құра алдық. Ата Заңымыз арқасында еркін еңбек ету, бейбітшілік пен ынтымақтастықта өмір сүру құқығына иеміз. Біздер ұлтаралық және конфессияаралық келісім мен бірлігі жарасқан ел тәуелсіздігінің осы жылдарда қол жеткен табыстарын ерекше мақтан тұтамыз.

Кеншілер мерекесі де әрбір Шахтинск тұрғыны үшін маңызды және жақын, өйткені әрбір отбасы көмір өндірісімен байланысты. Көмір өндірісі - еліміздің индустриалдық қуатының негізгі арқауы, аса маңызды стратегиялық, энергетикалық ресурсы, экономиканың негізгі қозғаушы күші.

Шахтинск қаласы «қара алтын» өндірілетін Кеншілердің қаласы болып қала береді.

Біздің қаламыздың бой көтеріп  көркеюіне Шахтинск аймағындағы "Қармет" АҚ Көмір департаментінің төрт шахтасында енбек етіп жүрген кеншілер зор үлес қосуда.

Мен қаламыздың болашағы зор екеніне сенімдімін. Ол үшін көптеген жұмыстар атқарылуда, бұл мәре емес, дамудың жаңа кезеңінің басталуы, Шахтинск тұрғындарының өмір сүру сапасы мен деңгейін арттыру.

Құрметті жерлістер!

Сіздерге зор денсаулық, қажырлы күш-қайрат,  отбасыларыңызға бақыт пен береке, әр үйде ізгілік пен қуаныш және Отанымызды өркендету жолындағы еңбектеріңізге табыс тілеймін!

Еліміздің болашағы үшін жаңа жетістіктерге жете беріңіздер.

 Мерекелеріңіз құтты болсын!

Шахтинск қаласының әкімі Қыдырғанбеков М.