«Қауіпсіз балалық шақ» ЖПІШ

2026 жылғы 13–17 қаңтар аралығында Қарағанды қаласының Қазыбек би атындағы ауданында, «Заң және тәртіп» идеологиясы аясында, ювеналдық полиция инспекторларымен бірлесіп «Қауіпсіз балалық шақ» жедел-профилактикалық іс-шарасы өткізілді.

Іс-шараның негізгі мақсаты — кәмелетке толмағандардың құқықтары мен заңды мүдделерін қорғау, жасөспірімдер арасындағы құқық бұзушылықтардың алдын алу, қолайсыз және өмірлік қиын жағдайдағы отбасыларды анықтау, сондай-ақ балалардың қараусыз қалуы мен оларға қатысты зорлық-зомбылықтың алдын алу.

Іс-шара барысында:

•61 рейдтік және тексеру іс-шарасы жүргізілді;

•47 тұрғылықты мекенжай бойынша тексеру жүзеге асырылды;

•33 қолайсыз отбасы және 28 есепте тұрған кәмелетке толмаған тексерілді;

•18 өмірлік қиын жағдайдағы отбасы анықталды;

•5 қолайсыз отбасы профилактикалық есепке алынды.

Тексеру нәтижесінде:

•ҚР ӘҚБтК-нің 442-бабы бойынша 7 әкімшілік құқық бұзушылық;

•ҚР ӘҚБтК-нің 127-бабы бойынша 2 әкімшілік құқық бұзушылық;

•ҚР ӘҚБтК-нің 435-бабы бойынша 1 әкімшілік құқық бұзушылық;

•кәмелетке толмағанның ойын-сауық мекемесінде болған 1 дерек анықталды.

Анықталған деректер бойынша:

•11 әкімшілік хаттама толтырылды;

•ата-аналар мен заңды өкілдер әкімшілік жауапкершілікке тартылды;

•2 кәмелетке толмаған баланың қауіпсіздігін қамтамасыз ету мақсатында медициналық мекемеге орналастырылды;

•4 материал Кәмелетке толмағандар істері және олардың құқықтарын қорғау жөніндегі комиссияның қарауына жолданды.

Профилактикалық жұмыс аясында:

•білім беру ұйымдарында құқықтық тақырыпта 13 дәріс пен түсіндіру әңгімесі өткізілді;

•кәмелетке толмағандар мен олардың заңды өкілдеріне заң талаптарын сақтау және жауапкершілік шаралары бойынша түсіндірме жұмыстары жүргізілді.

Іс-шараның өту барысы бұқаралық ақпарат құралдары мен әлеуметтік желілерде жарияланып, 3 ақпараттық материал орналастырылды.

🛡 Мұндай іс-шаралар заңдылық пен құқықтық тәртіпті нығайтуға, сондай-ақ балалар мен жасөспірімдер үшін қауіпсіз орта қалыптастыруға ықпал етеді.