ҮКІМЕТ АППАРАТЫНЫҢ ӨҢІРЛІК ИНСПЕКТОРЫ ЖҰМЫС САПАРЫМЕН КЕЛІП КЕТТІ

Бүгін Үкімет Аппаратының өңірлік инспекторы Талғат Сапарғалиев жұмыс сапарымен Нұра ауданына келді. Сапар барысында аудан әкімімен бірге өңірдегі медициналық инфрақұрылымның жай-күйімен танысты.

Атап айтқанда, инспектор 2024 жылы пайдалануға берілген Байтуған ауылындағы фельдшерлік-акушерлік пункттің жұмысымен танысты. Сонымен қатар К.Мыңбаев және Қарой ауылдарындағы салынып жатқан медициналық пункттердің құрылыс барысы мен Тассуат ауылындағы фельдшерлік-акушерлік пункттің құрылыс жұмыстары тексерілді.

Сапар қорытындысы бойынша Талғат Сапарғалиев аталған нысандардың денсаулық сақтау сапасын арттырудағы маңыздылығын атап өтіп, құрылыс жұмыстарын белгіленген мерзімде аяқтау қажеттігін баса айтты.