АУДАНДЫҚ АППАРАТТЫҚ КЕҢЕС ӨТТІ

Бүгін аудан әкімі Бақытжан Мұқановтың төрағалығымен кезекті аппараттық кеңес өтті. Аудан әкімі отырыстың басында қатысушыларды аудандағы кадрлық өзгерістермен таныстырып, аудан әкімінің жаңа орынбасары Теміров Қуаныш Мерекеұлын және экономика және қаржы бөлімінің басшысы Құсайынова Айнаш Жақсылыққызын таныстырды. Аудан әкімі жаңа қызметтерімен құттықтап, ауданның игілігі үшін жемісті жұмыс тіледі.

Күн тәртібіне сәйкес келесі мәселелер қаралды:

1. Ағымдағы жедел жағдай туралы.
2. Мүмкіндігі шектеулі жандармен жүргізіліп жатқан жұмыс туралы.
3. Өрт қауіпті кезеңге дайындық туралы.
4. «Таза Қазақстан» республикалық бағдарламасының іске асырылуы туралы.
5. Отбасының цифрлық картасы туралы.
6. Ауданның спорт алаңдары мен хоккей корттарының ағымдағы жағдайы туралы.
7. Жылыту маусымының өту барысы және көмір бағасы туралы.
8. Инвестиция тарту бойынша атқарылған жұмыс туралы.
9. Әлеуметтік маңызы бар азық-түлік тауарларының бағасы туралы.
10. Бұқаралық ақпарат құралдары мен әлеуметтік желілерде жүргізіліп жатқан ақпараттық жұмыс туралы.

Аудан әкімі үйде оқитын мүмкіндігі шектеулі балаларға ерекше көңіл бөліп, оларға оқуға қолайлы жағдай жасауды, сабақ оқуға арналған үстелдер мен орындықтар сатып алу мәселесін қарастыруды тапсырды. Сондай-ақ, Республика күніне орай 18 жасқа дейінгі мүгедек балаларға 50 мың теңге көлемінде біржолғы төлем жасалатыны айтылды. Биыл ауданда иппотерапия, үстел теннисі және қолданбалы өнер үйірмелерін ашу жоспарлануда.

Келесі мәселе спорт алаңдары мен хоккей корттарының жай-күйі туралы болды. Дене шынықтыру және спорт бөлімінің басшысына аталған нысандардың жай-күйін тиісті деңгейге келтіру және оларды бірыңғай балансқа беру мәселесін қарастыру тапсырылды.

"Таза Қазақстан" акциясы аясында белсенді жұмыс жүргізілуде. Жыл басынан бері аудандағы @TazaQazBot чат-боты арқылы 179 өтініш тіркелді. Сенбіліктер, сондай-ақ таза бейсенбіліктер өткізілуде. Аудан әкімі тұрғындарды тазалық пен тәртіпті сақтауға тарту, экологиялық мәдениетті қалыптастыру бойынша халықпен жұмыс жүргізуді тапсырды.

Аудан басшысы ауыл және кент әкімдеріне өрт қауіпті кезеңге белсенді түрде дайындалуды бастауды, қажетті құрал-жабдықтарды сатып алу және елді мекендерде жедел әрекет ету топтарын қалыптастыру жұмыстарын жеделдетуді тапсырды. Халықпен жұмыс істеу және бұл мәселенің маңыздылығы туралы түсіндіру жұмыстарын жүргізу керектігін атап өтті.

Ауданда инвесторларды тарту бойынша да белсенді жұмыстар жүргізілуде. Аудан әкімі инвесторларды тарту мәселесін жан-жақты қарастыруды тапсырды. Ол ашылатын сүт-тауар фермасы аудан аумағында шағын өңдеу зауыттарын ашуға мүмкіндік беретінін айтты. Мұндай зауыттардың ашылуы жаңа жұмыс орындарының ашылуына, сондай-ақ нарықтағы бағаның төмендеуіне әкелетінін атап өтті.

Сондай-ақ, аудан әкімі бұқаралық ақпарат құралдарында ауданда жүргізіліп жатқан іс-шараларды белсенді түрде жариялау жұмыстарын жалғастыру қажеттігін атап өтті.

Телеграм-чатта тұрғындардан жиі түсетін сұрақтар да қаралды. Аудан басшысы Нұра кентіндегі көше жарығы мен жолдарды жөндеу жұмыстарын жеделдету бойынша тапсырмалар берді.