Жұмысшы мамандықтар жылы – туған жердің адамы

Жұмысшы мамандықтарының беделін арттыру және техникалық және кәсіптік білім беру жүйесін реформалау мақсатында 2025 жыл Жұмысшы мамандықтар жылы деп жарияланды. Қазақстандағы «Жұмысшы мамандықтар жылы» бастамасы ел экономикасын дамытуға, жастарды жұмысшы мамандықтарына тартуға, еңбек жағдайларын жақсартуға және өндірістік әлеуетті арттыруға бағытталған маңызды қадам болып табылады.

Осы бастама аясында Шахтерское ауылының кітапханашысы Курманова Г.Т. Қ.Шайменов атындағы жалпы білім беретін мектептің оқушылары үшін «Жер адамы» тақырыбында көрме ұйымдастырды. Көрме Целиноград ауылшаруашылық институтын бітіргеннен кейін бүкіл өмірін ауыл тіршілігіне арнаған «Шахтерское» ЖШС басшысы Прокоп Георгий Георгиевичке арналды.

«Жер адамы» көрмесі Жұмысшы мамандықтар жылы аясында өткізіліп, өмірі мен еңбегі жермен, ауыл шаруашылығымен және туған өлкені дамыту ісімен тығыз байланысты адамдардың еңбегін дәріптеуге бағытталған маңызды іс-шараға айналды. Экспозицияда Георгий Георгиевичтің еңбек жолы туралы материалдар ұсынылып, оның күнделікті еңбегі арқылы тек ауылдың ғана емес, бүкіл өңірдің әлеуметтік-экономикалық дамуына қосқан үлесі көрсетілді.

Іс-шара барысында келушілер адамның қалыптасу тарихымен танысып, архивтік фотосуреттерді, марапаттарды, көрнекті жерлестер туралы материалдарды көре алды, сондай-ақ ауыл болашағы үшін жұмысшы мамандықтарының маңыздылығын тереңірек түсінді.