Қарағанды облысында Теміртау қаласының аумақтық қорғанысының запастағы әскери міндеттілерімен әскери жиындар өтуде

70-тен астам запастағы офицерлер, сержанттар мен сарбаздар Теміртау қаласының аумақтық қорғаныс құрамасына әскери міндеттілердің он күндік жиынына шақырылды.

Сабақтар запастағы әскери қызметшілердің тағайындалған лауазымдарына сәйкес, әскери істегі білімі мен дағдыларын жетілдіру мен негізгі міндеттерді орындауға дайындау мақсатында жоспарлы тәртіппен жүргізілетін болады.

Запастан шақырылған барлық азаматтар әскери қызметке жарамдылығын куәландыру үшін медициналық тексерістен өтті.

Әскери міндеттілер жиын барысында жауынгерлік үйлестіру іс-шараларына қатысады. Объектілерді күзету мен қорғауды ұйымдастыру, сондай-ақ диверсиялық топтарға қарсы күрес жүргізу кезіндегі іс-қимылдар зерделеніп, іс жүзінде пысықталатын болады.

Қатысушылар жатын орынмен, азық-түлікпен және киім-кешекпен толық қамтамасыз етілген. Бұдан өзге, жиындар кезінде запастағы әскери міндеттілердің жұмыс орындары сақталып, оларға орташа айлық жалақы төленеді.