Теміртау тарихи-өлкетану музейінде фотосуретші Ярослав Кучинді еске алуға арналған көрме-акцияcының ашылуы өтті

2021 жылдың 19 қаңтарында Теміртау тарихи-өлкетану музейінде  фотосуретші Ярослав Кучинді еске алуға арналған көрме-акцияның ашылуы өтті.

Ярослав Кучин  2020 жылы қайғылы қаза тапқан танымал теміртаулық фотосуретші. Ярославтың жеке және отбасылық фото сессияларын қоса алғанда, көптеген тақырыптық фотосуреттер жобалары бар. Ол Теміртау қаласында түсірілген «Коса» фильмінің ресми фотосуретшісі болды.

Көрме-акцияны ұйымдастырған фотосуретшінің достары мен туыстары, олар Ярославтың соңғы үш жыл ішінде жасаған жұмыстарын ұсынды. Бұл жануарлар әлемі, Абстракция, Балалардың бет-әлпеті, Табиғи тақырыптар, Натюрморт симфониясы, Әлеуметтік мәселе сериясындағы жобалық суреттер. Көрме- акция аяқталғаннан кейін барлық жұмыстар сатылады, жиналған ақша отбасына көмек ретінде табысталады.

Көрменің ашылуы офлайн форматында өтті. Алғашқы келушілер «Сплав» фотоклубының мүшелері және қала суретшілері болды.

Интернет кеңістігін пайдаланушылар тікелей эфирде фотосуретшінің шығармашылығымен танысып, оның жұмыстарын көре алды.