Қарағанды облысында жыл соңына дейін 600-ден астам көпбалалы отбасы пәтер алады
Пандемияға қарамастан, аймақта тұрғын үй құрылысының қарқыны 25% - ға өсті.
Қарағанды облысында жыл соңына дейін мұқтаж жандарға 1 000-нан астам пәтер беріледі. Өңірдің құрылыс, сәулет және қала құрылысы басқармасының басшысы Тайхан Қалмаханов жаңа тұрғын үйге кім үміткер бола алатынын айтты, деп хабарлайды ҚазАқпарат тілшісі. zakon.kz.
2020 жылдың тоғыз айында мемлекеттік инвестиция есебінен 625 пәтер пайдалануға берілді. Атап айтқанда, Қарағанды, Балқаш, Жезқазған, Қаражалда. Жыл соңына дейін біз қосымша 1 000-нан астам пәтер тапсыруды жоспарлап отырмыз. Жалпы, биыл тұрғын үй құрылысының қарқыны 25% - ға жоғары. Егер 2019 жылы біз 421 мың шаршы метрді тапсырсақ, 2020 жылы 525 мың шаршы метрді тапсыруды жоспарлап отырмыз, - деді Тайхан Қалмаханов.
Оның айтуынша, пандемияға қарамастан 2020 жылы тұрғын үй құрылысының қарқыны өткен жылмен салыстырғанда кем дегенде 25% - ға жоғары.
Әрине, пандемия құрылыс индустриясына, еңбек нарығына әсер етті. Өңірде карантиндік міндеттемелерді ескере отырып, белгілі бір қиындықтар болды, бірақ қазір бұл мәселе ай сайын шешіліп жатыр, құрылысшылар жобаларды іске асыру кестесі бойынша жұмыс істеуде. Егер 2019 жылы біз 421 мың шаршы метр тұрғын үйді тапсырсақ, 2020 жылы 525 мың шаршы метрді тапсыруды жоспарлап отырмыз, - деп атап өтті құрылыс басқармасының басшысы.
Жалпы, өңір барлық санаттағы азаматтар үшін тұрғын үй құрылысы бойынша жұмыстарды белсенді жүргізуде. Бүгінгі күні кезекте 34 766 адам тұр, оның ішінде 2 151 - көп балалы отбасы, 13 061 - халықтың әлеуметтік осал топтарынан, 12 171 - бюджеттік ұйымдардың қызметкерлері, 7 057 - жетім балалар мен ата-анасының қамқорлығынсыз қалған балалар, 326 - тұрғын үйі авариялық деп танылған азаматтар.
Өткен жылы бізде 36 мың кезекте тұрғандар болды. Олардың саны артты деуге келмейді, түгендеу нәтижелері кезектіліктің қысқаруына оң әсер етті. Бұл ретте кезектілік ішіндегі динамика сәл өзгеше болады. Егер бізде 2019 жылы пәтер беру және ұсыну бойынша жеке бағдарламаны ескергенде 1 206 көп балалы отбасы болса, бүгінгі күнге 2 151 отбасы кезекте тұр. Кезекте ішкі ағым бар, бір санаттағы адамдар екіншісіне ауысады. Біздің міндетіміз- алдағы жылдары барлық көпбалалы отбасылар өз баспаналарын алуы. Жыл соңына дейін тағы 600 отбасын баспанамен қамтамасыз етеміз, - деп түсіндірді Тайхан Қалмаханов.
Сатып алу құқығынсыз жалға берілетін пәтерлерге келетін болсақ 196 пәтер пайдалануға берілді. Бірінші кезекте, жетім балаларды, неғұрлым мұқтаж аз қамтылған және көп балалы отбасыларды тұрғын үймен қамтамасыз етеді.
Пәтердің құны шаршы алаңына байланысты есептеледі. Мысалы, бір бөлмелі пәтердің жалдау ақысы 5-тен 9 мың теңгеге дейін болады, - деп нақтылады ол.
Естеріңізге сала кетейік, Қазақстанда сатып алу құқығынсыз жалға берілетін пәтерлерден басқа, кейіннен сатып алу құқығымен тұрғын үй беру басталады. Бағдарламаға әкімдікке ведомстволық бағынышты білім беру, денсаулық сақтау, мәдениет, спорт және әлеуметтік қорғау салаларының қызметкерлері болып табылатын, тұрғын үй кезегінде тұрған азаматтардың барлық санаттары, сондай-ақ полиция және төтенше жағдайлар департаменттерінің қызметкерлері қатыса алады. Нұр-Сұлтанда осы бағыт бойынша тұрғын үйге өтінімдерді қарау басталды. Қарағанды әкімдігі өз кезегінде мұғалімдер мен медицина қызметкерлеріне 200 пәтер беру бойынша "Қазақстан ипотекалық компаниясы" АҚ-мен келіссөздер жүргізуде.
Облыстың ауылдық елді мекендерінің тұрғындарын жалға берілетін тұрғын үймен қамтамасыз ету жоспарлануда. Аймақтағы халықтың 80% - дан астамы қалаларда тұратынына қарамастан, жыл соңына дейін 552 отбасы пәтер алуы керек.