Қарағанды облысы Кәсіпкерлер палатасының Өңірлік кеңесі төрағасын сайлады

Қарағанды облысының Кәсіпкерлер палатасында жаңа құрамдағы өңірлік кеңестің бірінші отырысы өтті. Бас қсоу барысында төраға сайланды, сондай-ақ ұйымдастыру мәселелері талқыланды.

Қарағанды облысы Кәсіпкерлер палатасының директоры Ернар Күлпейісов өңірлік кеңеске өткен сайлаудың қорытындысын шығарды. ӨКП басшысы Кеңестің негізгі мақсаттары мен міндеттеріне тоқталып, бірлескен белсенді жұмыс атқаруға шақырды.

- Сіз бірден бизнестің өзекті мәселелерін қарауға кірісесіз, кәсіпкерлердің өзекті мәселелерін шешуге жәрдемдесесіз деп үміттенеміз. Өңірлік кеңес мүшелері облыс экономикасының барлық салаларын ұсынады. Біз ашық диалог пен бірлескен жұмысқа дайынбыз, - деді Ернар Күлпейісов.

Отырыста өңірлік кеңестің төрағасы болып бірауыздан белгілі бизнесмен Болатбек Бәйменов сайланды.

- Бүгін мұнда облыстың барлық өңірлерін таныстыратын беделді және тәжірибелі кәсіпкерлер жиналды. Бизнес тарапынан бізге үлкен жауапкершілік жүктеліп отыр, біздің міндетіміз – әріптестеріміздің сенімін ақтау, - деді Қарағанды облысы КП Өңірлік кеңесінің төрағасы, «ГЛОТУР-К» ЖШС басшысы Болатбек Байменов.

Отырыста кәсіпкерлер алдағы жұмыстың негізгі бағыттарын да талқылады.