Қарағанды облысында өңірлік микроқаржы ұйымы алғашқы несиелерін берді ⠀

Қарағанды облысында өңірлік микроқаржы ұйымы алғашқы несиелерін берді
⠀
Қарағанды облысында Atameken Qaragandy микроқаржы ұйымы кәсіпкерлерге несие бере бастады. «Бастау Бизнес» жобасының түлектері қолдау алды.
⠀
Қандай жобалар қаржыландырылғаны жайлы Өңірлік кәсіпкерлер палатасында мәлім етті.
⠀
Алғашқылардың бірі болып Бұқар Жырау ауданының тұрғыны Әділғазы Әбдуәлиев 7 290 000 теңге несие алды. Туған ауылында ол сүт өнімдерін өндіру үшін мал фермасын құрмақ. Қаражат мал сатып алуға бөлінген.
⠀
Теміртаулық кәсіпкер Александра Швец «Еңбек» бағдарламасы бойынша балалар ойын-сауық орталығын ашуға грант алды. Алайда, қаражаты жетпегендіктен ол МҚҰ несиесін пайдаланды.
⠀
Абай ауданының тұрғыны Назира Баспақова жаңа азық-түлік дүкенін ашады. Несие қаражаты сауданы дамытуға жұмсалады.
⠀
Қазіргі уақытта Atameken Qaragandy микроқаржы ұйымы ісін енді бастаған жеті кәсіпкерге несие берді.