Балқашта ісін жаңа бастаған кәсіпкерлер қала әкімінің гранттарына ие болды

Алты жас кәсіпкер Балқаш қаласы әкімінің грантына ие болды. Биыл жастар кәсіпкерлігін дамытуға және қолдауға 10 миллион теңге жұмсалды.

Балқаш қаласы әкімінің гранты 2018 жылдан бастап беріледі. Осы уақыт ішінде 24 жас кәсіпкер өз бизнес-жобаларын жүзеге асыру үшін жалпы сомасы 32 миллион теңге алды.

– Өткен жылдардағы сәтті жобалардың ішінде ерлер шаштаразының ашылуын, сондай-ақ ZAMAN тігін ісінің кеңеюін атауға болады. Бұл компания өзінің киім желісін шығарады, сондай-ақ өзінің Made in Balkhash брендін сататын бутик ашты, – дейді Балқаштың жастар ресурстық орталығының директоры Бекқайыр Нығметов. – Бірақ сәтсіздіктер де бар. Бірнеше грант алушылар өз қызметін тоқтатуға мәжбүр болды. Себебі ол тиімсіз болды.

Бұған жол бермеу үшін Бекқайыр Нығметов жобаның өзектілігіне қарауға кеңес береді. Кез келген іс қала мен оның тұрғындарына пайда әкелуі тиіс. Сатып алумен және сатумен айналысатын кәсіпкерлер жеткілікті, бірақ өндірушілер жоқ.

Бизнес-жобаны құру және грант алу - бұл ісін жаңа бастаған бизнесменнің алғашқы қадамдары ғана. Әрі қарай, кәсіпкерлік қызметтің негіздерін үйренуі керек. Осы мақсатта грант иелері "Бастау Бизнес" бағдарламасы бойынша оқудан өтеді, кәсіпкерлер палатасының қызметкерлерімен кеңеседі. Сондай-ақ олар үшін жастар ресурстық орталығы кездесулер ұйымдастырады, онда табысты бизнесмендер жас әріптестерімен өз тәжірибелерімен бөліседі.

 

Биыл гранттар алуға 18 бизнес-жоба берілді. Оларды арнайы комиссия қарады, оның құрамына қала кәсіпкерлері мен өнеркәсіпшілері Одағының, "Атамекен" кәсіпкерлер палатасының, Nur Otan партиясы филиалының басшылары, мәслихат депутаттары және басқалар кірді.

Балқаштықтар үйдің жанында шағын дүкендер, жылыжай, шина орталығы, тіпті Мобильді планетарий ашуды көздеді. Ұсынылған бизнес-идеялардың ішінен бүгінгі таңдағы алты өзекті идея таңдалды.

– Көшбасшылардың қатарында өндіріспен айналысуға шешім қабылдағандар да бар. Біз полиэтилен және қағаз пакеттерін, шағын кондитерлік өнімдерді, үй жартылай фабрикаттарын өндіруді, гидропоникалық жасыл жем өсіруді, фото-және бейнесалон, ағылшын тілі бойынша дайындық мектебін қолдадық, – дейді Бекқайыр Нығметов. – Биыл қала әкімінің гранттарына 10 миллион теңге жоспарланған.

Ең көп гранттық қаражатты Арман Мақсұтов пен Нұрсұлтан Есімхан алды. Олардың біріншісі пакеттер өндірісін кеңейтуге ниетті. Ол үшін оған миллион теңге керек.

Нұрсұлтан Есімхан жасанды жағдайда өсімдік өсірумен айналысуға шешім қабылдады. Айта кету керек, гидропоника бүгінде танымал бола бастады.

– Қазір азық-түлік базасындағы проблемалар баршаға мәлім, – деп түсіндірді бизнес-бағыттағы өз таңдауын Нұрсұлтан Есімхан. – Балхаш та да олар баршылық. Кәдімгі шөп өте қымбат, ал қыста оның бағасы одан да жоғары. Интернеттен гидропоникалық қондырғы туралы ақпаратты көрдім. Оқуды бастадым, нәтижесінде жеткізушіге шықтым. Таразға барып, қондырғыны қарап шықтым. Содан кейін одан да бетер қызыға түстім, сондықтан гидропоникалық жасыл жем өсіру курстарына қалдым.

Жабдықты жеткізушілер жас кәсіпкерге жыл бойы кеңес береді. Бірақ кез-келген бизнестегі ең бастысы - өнімді сату. Нұрсұлтанның айтуынша, сатып алушылар бар. Бұл Балқаштың ірі және шағын шаруашылықтары, сондай-ақ жақын маңдағы ауылдардың, аудандардың қарапайым тұрғындары.

Дереккөз – Қарағанды облысының әкімдігі