«Бизнестің жол картасы-2025» мемлекеттік бағдарламасын іске асыру

     «Бизнестің жол картасы-2025» мемлекеттік бағдарламасы шеңберінде 2020 жылғы 12 қарашадан 20 қарашаға дейін «Qoldau.kz» порталы арқылы мемлекеттік гранттар беру бойынша конкурсқа электрондық өтінімдер қабылдау жүзеге асырылды (жалпы сомасы 55,0 млн.теңге). Конкурстық комиссияның отырыстарында өтініш берушілердің 204 жобасы қаралды. Конкурстық комиссияның құрамына ҚР Сыбайлас жемқорлыққа қарсы іс-қимыл агенттігі департаментінің (Сыбайлас жемқорлыққа қарсы қызмет), қоғамдық бірлестіктердің, салалық сарапшылардың, ғылыми-білім беру мекемелерінің, өңірлік бұқаралық ақпарат құралдарының өкілдерінен тұратын 11 адам кіреді.

 

Дауыс беру қорытындысы бойынша Конкурстық комиссия 13 жобаны мақұлдады. Мемлекеттік грант иегерлерінің арасында халықтың әлеуметтік осал топтарына-5 жоба, жас кәсіпкерлерге – 5 жоба, шағын кәсіпкерлік субъектілеріне (ісін жаңа бастаған кәсіпкерлерге) – 3 жоба ұсынылды.

Оның ішінде:

 

• Медициналық емшара кабинетін ұйымдастыру, астықтан нан өндіру, футбол кешенін салу, пластикті қайта өңдеу және бөлшектерді дайындау үшін филамент өндіру, Қарағанды қаласында балаларға арналған шығармашылық студия-мектеп ашу;

 

• Теміртау қаласында қолдан жасалған аяқ киім өндірісі;

 

• Балқаш қаласында оның негізінде кейтерингтік қызмет құра отырып, балықтан фаст-фуд өндіру;

 

• Шахан кентінде 1 жастан 3 жасқа дейінгі балаларға 50 орындық бөбекжай-бақша ашу;

 

• Бұқар Жырау ауданында 3D модельдеу, интерьерлерді, экстерьерлерді және ландшафттық жобаларды визуализациялау студиясының ашылуы, шопперлер мен эко-сөмкелерді тігу бойынша тігін цехының ашылуы;

 

• Осакаров ауданында сәндік тасты өңдеу;

 

• Нұра ауданында автокөлік қызметтерін көрсету үшін кәсіби 3D құлау-түйісу бұрышы және 4 тонна төрт тіректі көтергіштің жабдықтарын сатып алу;

 

• Ақтоғай ауданында ауылдық туризмді дамыту.

 

Жобаларды іске асыру барысында кәсіпкерлер жаңа жұмыс орындарын ашуды жоспарлап отыр.