Өңірде экотуризмді насихаттау мақсатында «JEEP TOUR TO SHET DISTRICT» атты екі күндік ақпараттық тур басталды

Турға қатысушылар Шет ауданына аттанып, тек танымал нысандарды аралап қана қоймай, өңірдің табиғи, тарихи-мәдени және туристік әлеуетімен іс жүзінде танысуда.

Тур аясында қатысушылар: Талды ауылындағы Талды тарихи-археологиялық кешеніне; Ақсу-Аюлыдағы Сазанбай батыр ескерткішіне; Сарысу байыту фабрикасының қирандыларына; Ортау этноауылына; Ағыбай батыр кесенесіне; табиғи нысан – Шұнақ кратеріне барады.

Ақпараттық турдың басты мақсаты – өңірдің туристік әлеуетін көрсету, көпшілікке әлі де беймәлім бағыттарға назар аудару және туған өлке бойынша жаңа туристік маршруттарды қалыптастыру.