Balkhash Tour Fest фестивалінде гастрономиялық рекорд орнатылды

Балқаштық аспаздар салмағы 86,4 келі болатын алып қазыбургер дайындады. 

Balkhash Tour Fest – 2026 фестивалі Қазақстан рекордтар кітабының өкілі ресми түрде тіркеген кезекті гастрономиялық жетістігімен тарихта қалмақ.

Baurdak компаниясының Балқаш филиалының басшысы Аян Нұрбектің айтуынша, 

алып қазыбургердің биіктігі – 39 сантиметр, 

ал диаметрі – 89 сантиметр. Оны дайындауға бірнеше өнім пайдаланылған: ет түрлерінен әзірленген қоспа – тауық еті, сиыр еті және қазы, сондай-ақ қызанақ, көк шөп пен арнайы соус пайдаланылған.

Алып тағамды әзірлеу барысын фестиваль қонақтары тамашалады. Рекорд ресми түрде тіркелгеннен кейін қазыбургер бөліктерге бөлініп, Балқаш қаласындағы қайырымдылық қорларына таратылады.