Balkhash Tour Fest республикалық іс-шаралар күнтізбесіне енді

Жыл сайын Қарағанды өңірі қонақтарды ауқымды «БАЛҚАШТУРФЕСТ» фестивалінде қарсы алады. Бұл шара музыка, мәдениет, спорт пен демалысты бір арнаға тоғыстырып, бірегей Балқаш көлінің жағасында өтеді.

Бұл — жай ғана фестиваль емес, еліміздің түкпір-түкпірінен келетін туристер, креативті индустрия өкілдері, бизнес пен кәсіби қауымдастық үшін нағыз тартылыс нүктесі. Мұнда тың идеялар туып, жаңа таныстықтар орнап, жарқын әсерлер сыйлайды.

«БАЛҚАШТУРФЕСТ» ресми түрде Республикалық іс-шаралар күнтізбесіне енді. Бұл — ұлттық деңгейдегі мойындау және Қарағанды өңірінде туризмді, мәдениетті және оқиғалы өмірді дамытудағы маңызды қадам.

Balkhash Tour Fest фестивалі жыл сайын жаздың басында Ақшағыл (Рембаза) ауылында өтеді. Ол спорттық, мәдени және гастрономиялық бағыттарды біріктіріп, Балқашқа деген туристік қызығушылықты арттыруға бағытталған.

Өткен жылы фестивальға шамамен 50 мың адам келген. Екі күн бойы қолөнер алаңдары жұмыс істеді, спорттық және шығармашылық аймақтар ұйымдастырылды, фудкорт пен ашық аспан астындағы кинотеатр жұмыс істеді, сахнада үздіксіз әртістер мен шығармашылық ұжымдар өнер көрсетті. Балалар үшін аттракциондар, батуттар мен аквагрим алаңдары қарастырылған.

Өткен фестивальдың ең есте қаларлық оқиғаларының бірі — гастрономиялық рекорд: аспаздар дәстүрлі қазыдан дайындалған 53 келілік қазыбургер жасаған. Бағдарламаға яркросс, от және жарық музыкалық шоу, сондай-ақ алғаш рет «Балқаш көлі аңызы» мультимедиялық проекциялық фонтаны енгізілді.

2026 жылы фестиваль төртінші рет өтеді. Ұйымдастырушылар негізгі форматтарды сақтап, жаңа шараларды қосуды жоспарлап отыр. Қонақтарды жүзу жарыстары, парус регатасы, концерттік бағдарламалар, конкурс алаңдары мен лазерлік шоу күтіп тұр.

«БАЛҚАШТУРФЕСТ» — жіберіп алуға болмайтын ерекше оқиға!