«Туризмді дамыту және мемлекеттік қолдау шаралары» тақырыбында семинар өтті

ҚР Президенті жанындағы Мемлекеттік басқару академиясының Қарағанды облысы бойынша филиалында «Туризмді дамыту және мемлекеттік қолдау шаралары» тақырыбында семинар өтті. Іс-шараға ауылдық округтер әкімдіктерінің өкілдері қатысты. Кездесудің спикері – туризм басқармасының басшысы И. Любарская.

Семинар барысында ауылдық аумақтарда туризмді дамытудың негізгі бағыттары, кәсіпкерлерді мемлекеттік қолдаудың тетіктері, субсидиялау мен шығындарды өтеу механизмдері, сондай-ақ туристік жобаларға инвесторларды тартудың тиімді тәсілдері қарастырылды. Ерекше назар экотуризмді, этно- және агротуризмді дамытуға, ауылдық аумақтардың тартымдылығын арттыруға және жаңа туристік инфрақұрылым қалыптастыруға бағытталған шараларға аударылды.