ҚАРҚАРАЛЫНЫҢ ҚҰСБЕГІСІ МЕН ҚҰМАЙ ТАЗЫСЫ – «ЖЕТІ ҚАЗЫНА» ФЕСТИВАЛІНІҢ ЖҮЛДЕГЕРЛЕРІ

Ұлы Абай Құнанбайұлының 180 жылдық мерейтойына орай ұйымдастырылған «Жеті қазына» спорт-мәдениет-туризм фестивалі аясында Қарқаралы ауданының атынан қатысқан өкілдер жоғары нәтиже көрсетіп, жүлделі орындарға ие болды.

Атап айтқанда, «Қыран бүркіт» бүркітшілер сайысында қарқаралылық құсбегі Нұрғазы Аманғазыұлы Қазбек жүлделі II орын иеленсе, «Құмай тазы» жарысында Едірей ауылынан қатысқан тазы «Желқара» да II орынды жеңіп алды. Құмай тазының иесі — Едірей ауылының тұрғыны Азамат Төкешов.

Бұл жетістіктер — халқымыздың ұлттық құндылықтарын ұлықтап, дәстүрлі спорт түрлерін кеңінен насихаттауға қосылған сүбелі үлес. Аудан абыройын асқақтатқан жерлестерімізге алғыс білдіре отырып, толағай табыстар тілейміз.

Ұлы Абайдың рухына тағзым ретінде өткен осындай ауқымды шарада Қарқаралыдан қос бірдей жүлде алынуы — өңіріміз үшін зор мақтаныш, ұлттық рух пен руханиятты жаңғыртудың жарқын үлгісі.