ҚАРҚАРАЛЫДАН АБАЙ ЕЛІНЕ СЫЙ

Қазақтың ұлы ақыны, ойшылы және ағартушысы Абай Құнанбайұлының 180 жылдық мерейтойына орай Қарқаралы ауданы атынан Абайдың туған еліне ерекше тарту жасалды — табиғи жүннен қолдан жасалған Құнанбай мешітінің макеті сыйға берілді.

Бұл символикалық сый Абайдың рухани мұрасына деген терең құрметті білдіріп қана қоймай, Қарқаралы өңірі мен Шыңғыстаудың арасындағы тарихи әрі мәдени сабақтастықты да айшықтайды. Бірі — Құнанбай қажы мешіт салған қасиетті мекен, екіншісі — Абай дүниеге келіп, адамзатқа ортақ ой қалдырған киелі топырақ.

Құнанбай мешіті – жай ғана сәулет ескерткіші емес, ол – ұлт руханияты мен ағартушылық жолдың бастауында тұрған тұлғаларға деген тағзымның нышаны.

Абай – дара, Абай – дана. Оның сөзі – асыл қазына, мұрасы – келешекке жол көрсетер нұрлы шам.